काठमाडौं । दक्षिण-पश्चिम एसियाली राष्ट्र सिरियाका विद्रोहीको सामना गर्न नसकेपछि देश छाडेर भागेका राष्ट्रपति बसर अल असद रुसको राजधानी मस्को पुगेका छन् । रुसी सरकारी समाचार एजेन्सीहरूले राष्ट्रपति असद परिवारसहित राजधानी मस्को आएको जनाएका हुन् ।

सिरियामा ३० वर्ष शासन गरेका हाफिज अल–असदको मृत्युलगत्तै सन् २००० मा बसर अल–असद राष्ट्रपति भएका थिए, असद मस्कोतर्फ भागेपछि ५४ वर्षीय शासन समाप्त भएको छ।