काठमाण्डौ,नेपाल आयल निगमको शुक्रबार साँझ बसेको सञ्चालक समितिको बैठकले डिजल र मिट्टीतेलको मूल्य बढाउने निर्णय गरेको हो । निगमले सार्वजनिक गरेको सूचना अनुसार डिजेल र मट्टितेलमा ३ रुपैयाँ मूल्य बढाइएको छ ।

पेट्रोलको मूल्य केही पैसा बढेर आए पनि हाललाई यथावत राखिएको निगमले जानकारी दिएको छ । बढेर आएको मूल्य आज राति १२ बजेपछि लागू हुने जनाइएको छ ।

अब वीरगञ्जमा डिजेल र मट्टितेलको मूल्य १५० रुपैयाँ पर्नेछ । ग्यास र हवाई इन्धनको मूल्य भने घटबढ भएको छैन ।