काठमाडौं ।

थाई एयर एसियाले साताको ४ दिन बैंकक-भैरहवा उडान गर्ने भएको छ ।नागरिक उड्डयन प्राधिकरणले बैंकक मुख्यालय भएको यस एयरलाइन्सलाई भैरहवाको उडानका लागि बिहीबार अनुमति दिएको हो ।

थाई एयर एसियालाई सातामा ४ दिन भैरहवा र तीन दिन त्रिभुवन अन्तर्राष्ट्रिय विमानस्थलमा उडान अनुमति दिइएको प्राधिकरणका उपमहानिर्देशकले जानकारी दिनुभएको छ । ५८ वटा विमान भएको थाई एयर एसियाको नेपालको आधिकारिक एजेन्ट- युनिभर्सल टुर्स एन्ड ट्राभल्स रहेको छ ।