बालबालिकाको मानसिक स्वास्थ्य, गोपनीयता र अनलाइन सुरक्षालाई ध्यानमा राख्दै फ्रान्सको संसद्ले १५ वर्षमुनिका बालबालिकाका लागि सामाजिक सञ्जाल प्रयोगमा कडाइ गर्ने ऐतिहासिक प्रस्ताव पारित गरेको छ।
पछिल्लो समय बालबालिकामा डिजिटल लत, साइबर बुलिङ , र अनुचित सामग्रीको पहुँच तीव्र रूपमा बढेपछि फ्रान्सेली सरकारले यो कडा कदम चालेको हो।
नयाँ व्यवस्थाअनुसार अब १५ वर्षभन्दा मुनिका किशोर-किशोरीहरूले टिकटक, इन्स्टाग्राम र स्न्यापच्याट जस्ता प्लेटफर्महरूमा नयाँ खाता खोल्नका लागि आमाबाबु वा अभिभावकको स्पष्ट स्वीकृति अनिवार्य रूपमा लिनुपर्नेछ।
यस नीतिको प्रभावकारी कार्यान्वयनका लागि फ्रान्सले प्रविधि कम्पनीहरूलाई प्रयोगकर्ताको उमेर प्रमाणीकरण गर्ने बलियो प्रणाली लागू गर्न निर्देशन दिएको छ।
यदि कुनै पनि प्लेटफर्मले उमेर नपुगेका बालबालिकालाई अभिभावकको सहमतिविना खाता सञ्चालन गर्न दिएमा वा नियम उल्लङ्घन गरेमा भारी आर्थिक जरिवाना तिराउने कडा व्यवस्था गरिएको छ।
युरोपेली सङ्घ (EU) भरिनै बालबालिकाको अनलाइन सुरक्षासम्बन्धी बहस चलिरहेका बेला फ्रान्सको यो निर्णयलाई अन्य देशहरूका लागि पनि एउटा महत्त्वपूर्ण उदाहरणका रूपमा हेरिएको छ।
