बैंकिङ कसुर मुद्दामा लामो समयदेखि फरार रहँदै आएका एक प्रतिवादीलाई प्रहरीले पक्राउ गरेको छ।​

केन्द्रीय अनुसन्धान ब्युरो (CIB) ले काठमाडौँ महानगरपालिका–४ स्थायी ठेगाना भएका शंकरलाल अग्रवाललाई बुधबार डिल्लीबजार क्षेत्रबाट नियन्त्रणमा लिएको हो।​

दीपक भट्टसमेत प्रतिवादी रहेको बैंकिङ कसुर तथा सजाय ऐन, २०६४ सम्बन्धी मुद्दामा अदालतबाट फैसला भएदेखि नै अग्रवाल फरार सूचीमा रहेका थिए।​

पक्राउ परेका अग्रवाललाई आवश्यक कानुनी कारबाहीका लागि उच्च अदालत पाटनमा पेस गरिसकिएको ब्युरोका प्रवक्ता एवं प्रहरी वरिष्ठ उपरीक्षक (SSP) अनुपमशमशेर जबराले जानकारी दिए।