इजरायलको गुप्तचर एजेन्सी मोसादको हेडक्वार्टरमा इरानले भिषण हमला गरेको छ । इजरायलको राजधानी तेल अभिभस्थित हर्जिलिया टाउनमा रहेको कार्यालयमा इरानले निशाना बनाएर भिषण हमला गरेको हो । मिलिट्री इन्टेलिजेन्ससँग जोडिएको गुप्तचर एजेन्सी एएमएनको भवनलाई पनि इरानले निशाना बनाएको छ ।

इरानको सेना इस्लामिक रिभोल्युसनरी गार्ड कर्प्स (आईआरजीसी)ले दुवै स्थानमा हमला गरेको पुष्टि गरेको छ । सामाजिक सञ्जालमा समेत मोसादको मुख्यालयमा हमला गरेको भिडियो सार्वजनिक भएको छ । हमलापछि यो क्षेत्रमा भीषण आगो लागेको छ । उता इजरायली ह्याकर्सले इरानको बैंक सेपाहमाथि साइबर हमला गरेपछि सेवा ठप्प भएको छ इरानको समाचार एजन्सी फार्सले इजरायलसँग जोडिएका ह्याकर्स समूहले बैंकमा साइबर हमलाको जिम्मेवारी लिएको जनाएको छ । बैंकका अधिकारीहरुले सुरक्षालाई मध्यनजर राख्दै सबै डिभाइस प्रयोगमा प्रतिबन्ध लगाएको छ ।