सिंहदरबार परिसरभित्र नियमविपरीत र अव्यवस्थित रूपमा पार्किङ गरिएका सवारीसाधनमा ट्राफिक प्रहरीले 'ह्विल लक' लगाउन सुरु गरेको छ।
तोकिएको पार्किङ क्षेत्रभन्दा बाहिर जथाभाभी राखिएका गाडी तथा मोटरसाइकलहरूलाई नियन्त्रणमा लिँदै कारबाहीको दायरामा ल्याइएको हो।काठमाडौँ उपत्यका ट्राफिक प्रहरी कार्यालयका अनुसार सिंहदरबारभित्रको सुरक्षा व्यवस्था र सवारी आवागमनलाई थप व्यवस्थित तथा प्रभावकारी बनाउन यो अभियान चालिएको हो|
देशको प्रमुख प्रशासनिक केन्द्र मानिने सिंहदरबारमा जथाभाभी पार्किङ गर्दा जाम हुने र आकस्मिक सेवाका सवारीसाधनलाई समेत बाधा पुग्ने गरेको गुनासो बढेपछि प्रहरीले सक्रियता देखाएको हो।ट्राफिक प्रहरीको चेतावनी: सबै चालकहरूलाई अनिवार्य रूपमा तोकिएकै स्थानमा मात्र सवारी साधन पार्किङ गर्न आग्रह गरिएको छ।
नियम उल्लंघन गर्ने जोकोहीलाई पनि सम्झौताहीन कारबाही गरिने प्रहरीले स्पष्ट पारेको छ।
