राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्ध दर्ता भएको मुद्दाबाट संगठित अपराध र सम्पत्ति शुद्धीकरणको अभियोग हटेको छ। कास्की जिल्ला अदालतले शुक्रबार सरकारी पक्षको मागबमोजिम अभियोगपत्र संशोधन गर्न अनुमति दिएसँगै यी दुई कसुर हटेका हुन्।
कास्की जिल्ला अदालतका न्यायाधीश हिमलाल बेल्बासेको एकल इजलासले लामिछानेसहित अन्य प्रतिवादीहरूमाथि लगाइएको संगठित अपराध र सम्पत्ति शुद्धीकरणको दाबी कायम नहुने गरी अभियोगपत्र संशोधनको निर्णयलाई सदर गरेको हो। अदालतको यो आदेशसँगै अब उनीहरूविरुद्ध सहकारी ठगीको मुख्य मुद्दामा मात्र केन्द्रित रहेर कानुनी कारबाही अघि बढ्नेछ।
