काठमाडौं, साउन १३ —

मंगलबार सेयर बजार परिसूचक नेप्से तीन हजार बिन्दु पार गर्दै उक्लिएको छ। आज नेप्से ३०.७६ अंकले बढेर ३,००२.०७ बिन्दुमा पुग्दै मनोवैज्ञानिक रूपमा महत्वपूर्ण मानिने ३,००० को स्तर नाघेको हो।

नेप्सेको यो वृद्धिसँगै बजारमा सकारात्मक संकेत देखिएको छ। कारोबारमा आएका कम्पनीहरूमध्ये १७६ वटाको सेयर मूल्य बढेको छ भने ७४ वटाको घटेको छ। बाँकी कम्पनीको मूल्य स्थिर रहेको छ।

लगानीकर्तामा पुनः उत्साह देखिँदा कारोबार रकममा पनि क्रमिक सुधार देखिन थालेको छ। विश्लेषकहरूका अनुसार पछिल्ला दिनहरूमा बजारमा देखिएको स्थिरता र लगानीकर्ताको विश्वास बढ्नुले परिसूचक उक्लिएको हो।