काठमाडौं । फिफा विश्वकप दक्षिण अमेरिकी छनोटअन्तर्गत बुधबार बिहान भएको खेलमा अर्जेन्टिनाले पेरुलाई १-० ले पराजित गरेको छ ।

अर्जेन्टिनाको जितमा लाउतारो मार्टिनेजले गरेको गोल नै निर्णायक बनेको थियो । मार्टिनेजले खेलको ५५औं मिनेटमा लियोनल मेस्सीको एसिस्टमा गोल गर्दै टोलीलाई अग्रता दिलाएका थिए ।

पेरुसंगको जितसँगै अर्जेन्टिनाको १२ खेलमा २५ अंक भएको छ र दक्षिण अमेरिकी छनोटको शीर्ष स्थानमा रहेको छ ।