नेपाली बजारमा आज (मंगलबार) सुनको मूल्यमा सामान्य वृद्धि भएको छ। नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ३ लाख १ हजार ३०० रुपैयाँ कायम गरिएको छ। सोमबार सुन प्रतितोला २ लाख ९९ हजार ७०० रुपैयाँमा कारोबार भएको थियो।
हिजोको तुलनामा आज सुनको भाउ प्रतितोला १,६०० रुपैयाँले बढेको हो।यता चाँदीको मूल्यमा भने आज गिरावट आएको छ। चाँदी प्रतितोला ३० रुपैयाँले घटेर ५ हजार १६० रुपैयाँमा कारोबार भइरहेको छ। हिजो सोमबार चाँदी प्रतितोला ५ हजार १९० रुपैयाँमा किनबेच भएको थियो। अन्तर्राष्ट्रिय बजारमा हुने उतारचढाव र डलरको विनिमय दरमा आउने परिवर्तनका कारण स्थानीय बजारमा सुनचाँदीको भाउ दैनिक रूपमा परिवर्तन हुने गर्दछ।
